21 alumnos e alumnas de 1º de Bacharelato e 4º da ESO do IES Mendiño, acompañados por dous profesores do centro, están a realizar un intercambio co Piedmont High School (San Francisco, USA), onde disfrutan dunha experiencia de inmersión lingüística e cultural.
Sairon de Redondela o 1 de febreiro e durante 13 días vivirán con familias americanas, participando activamente nas actividades escolares deste centro californiano. No mes de abril o alumnado americano viaxará a Redondela, onde se integrará nas actividades do centro IES Mendiño e e terá a oportunidade de aprender sobre a nosa cultura, linguas, gastronomía e paisaxes.
Este intercambio forma parte do proxecto de internacionalización do centro, no que tamén se encadra o Erasmus+, e conta con financiación do programa EduExchanges da Consellería de Educación para o intercambio presencial de alumnado con centros educativos doutros países.
